Славутыя слуцкія паясы - нацыянальная рэліквія беларусаў, якія сталі сучасным брэндам Беларусі. Паясы з прыгожымі малюнкамі і складаным пляценнем распаўсюджваліся ў XVI-XVII стагоддзях. У ХVIII стагоддзі на беларускіх землях сфарміравалася ўнікальная мастацкая з'ява - "слуцкі пояс". У Слуцку працавалі да 55 ткачоў, якія выраблялі каля 200 паясоў гадова. Сёння старадаўнія слуцкія паясы захоўваюцца ў музейных і прыватных калекцыях.