Самага моцнага асілка краіны выявілі ў адным з гарналыжных комплексаў вобласці. Восем волатаў адкрылі сезон сярод беларускіх стронгменаў. Спартсменаў чакалі пяць практыкаванняў – ад буксіроўкі квадрацыклаў да жымавой эстафеты і пераносу калодзежа вагой 300 кілаграмаў. Аляксандр Харавец таксама паўдзельнічаў у спаборніцтвах. Восем наймацнейшых асілкаў краіны сабраліся у адным з гарналыжных комплексаў вобласці, каб памерацца волатаўскай сілай. Перад стартамі абавязковая размінка. Сакрэт волатаўскай сілы, па словах Аляксандра Булаўкі, у правільным харчаванні. Нават на пятым дзясятку ён яшчэ сур'ёзны канкурэнт для маладзейшых спартсменаў. Самы адказны момант – жараб'ёўка спартсменаў. Шлях да п'едэстала складаецца з пяці выпрабаванняў. Адно больш цяжкае за другое. Першае практыкаванне - спартсмены павінны падняць пантонны квадрацыкл і працягнуць яго да фінішу. Аднак вырашальным у гэтым практыкаванні была не столькі сіла ўдзельнікаў, колькі ўменне вадзіцеля трымаць руль роўна. Мы таксама вырашылі зрабіць спаборніцтвы, толькі сярод балельшчыкаў, і выявіць, хто ж самы гучны чалавек на гэтым свяце. У выніку перамогу святкаваў сталічны асілак Вячаслаў Астапенка. Пастаўскі волат Руслан Багіраў заняў другую прыступку п'едэстала. На трэцім месцы самы малады ўдзельнік Павел Карпека. Зноў убачыць сапраўдных волатаў можна будзе напрыканцы лютага ў Клецку, дзе пройдзе другі этап чэмпіянату Беларусі па сілавым экстрыме.