Не вопытныя фермеры – школьнікі са Смалявіцкага раёна - першымі ў краіне практыкуюць арганічнае земляробства. На ўчастках ля дома ведаў вырошчваюць экалагічна чыстую гародніну – бульбу, агуркі, таматы, зеляніну. Ураджай ідзе ў тым ліку на харчаванне дзяцей. Безумоўна, пасля кантролю санстанцыі. За паўтара года зялёнай ініцыятывы сабралі амаль 7 тон гародніны. А на практыцы з арганічнай сельскай гаспадаркай пазнаёміліся больш за сотню школьнікаў толькі са Смалявіцкага раёна. З зялёнай граматай пазнаёмілася і Аляксандра Драгун.