Кіраўніцтва Мінскай вобласці надае больш увагі кантролю за выкананнем даручэнняў губернатара на асабістых прыёмах грамадзян. Дарэчы, яны праходзяць двойчы на месяц і ахопліваюць усе раёны. Праз тыдзень - 18 красавіка - Анатоль Ісачанка выслухае пытанні жыхароў Нясвіжа. А пакуль наша здымачная група ўбачыла, як дапамога прыходзіць да тых, хто мае патрэбу больш за ўсіх. Расказвае Аляксей Кандраценка: Доўгая эпоха выкарыстання дроў для жыхаркі вёскі Весялова Таццяны Урбановіч і яе сям'і ў мінулым. Сёння ў іх кватэры за ўтульнасць адказвае газ. Аднак пытанне забеспячэння блакітным палівам у старым доме вырашалася складана. Давялося выходзіць на ўзровень кіраўніцтва ўжо не Барысаўскага раёна, а Мінскай вобласці. І вось даручэнне губернатара - дапамагчы з газіфікацыяй. Першая зіма з новым газавым катлом і плітой - вялікая розніца. Тэхніку набылі самі, з устаноўкай дапамаглі спецыялісты. Пытанні добраўпарадкавання, але ў маштабах ўжо цэлага горада зараз актуальныя для Жодзіна. На адным з нядаўніх асабістых прыёмаў грамадзян вырашаўся лёс 5 гандлёвых кіёскаў у самым цэнтры. У прадпрымальнікаў ёсць жаданне развівацца, але павільёны аб'ектыўна маральна і фізічна састарэлі. Тады ж у сакавіку жыхароў Жодзіна таксама хвалявалі пытанні працаўладкавання і работы грамадскага транспарту. Губернатар Мінскай вобласці асабістыя прыёмы грамадзян праводзіць двойчы на месяц. Як правіла, гэта паўтара-два дзясяткі пытанняў. Многія з іх аб'ектыўна складаныя і вырашаюцца паэтапна. Іншыя - адразу. Аднак выкананне ўсіх кантралюецца як на месцах, так і ў аблвыканкаме. Пры гэтым спецыялісты выканкамаў усё часцей выязджаюць на праблемныя аб'екты. Такім чынам, формула работы з жыхарамі цэнтральнага рэгіёна ўдасканальваецца.