Добраўпарадкаванне, уборка смецця, абрэзка дрэў і падрыхтоўка да сезонных пасадак. Хутка горад ўпрыгожаць 2 тысячы клёнаў, бяроз і ясеняў. У кожным раёне з'явяцца і юбілейныя кветкавыя кампазіцыі. Калі ўсталюецца цёплае і сухое надвор'е, на чарзе будуць і афарбовачныя працы. Як сталіца мяняецца з надыходам вясны - раскажа Аляксандра Кавеліч. Гэтыя ясені ўпрыгожваюць сталічную вуліцу Філімонава. Пышныя галінкі амаль дакранаюцца да тралейбусных ліній, таму для бяспекі транспартнага руху дрэвам надаюць новы вобраз. Адмысловая стрыжка зменіць і эстэтычны выгляд ажыўленай магістралі. У ролі стылістаў – работнікі Зелянбуда. Каб не нашкодзіць дрэвам, крону фарміруюць абавязкова да з'яўлення першага лісця. Месца абрэзкі зафарбоўваюць спецыяльным саставам, каб засцергачы дрэва ад пашкоджанняў і хвароб. Фармовачную абрэзку ясеняў звычайна праводзяць раз на пяць гадоў. Каб надаць кроне акуратны выгляд і выразную форму, выкарыстоўваюць спецыяльныя прыстасаванні – вось такія паветраныя сякатары. Уздоўж сталічных вуліц, а таксама ў парках і скверах сёлета высадзяць 2 тысячы клёнаў, бяроз і ясеняў. Зараз рыхтуюць і месцы пасадкі для кустоў, а таксама шматгадовых раслін. Адноўлены выгляд набываюць не толькі галоўныя праспекты і паркі сталіцы, вядзецца і добраўпарадкаванне дваровых тэрыторый. Падчас суботнікаў прыбіраць смецце і леташняе лісце работнікам камунальных службаў дапамагаюць і самі жыхары. Як толькі ўсталюецца сонечнае надвор'е, пачнецца і фарбаванне вулічнага абсталявання – найперш на дзіцячых пляцоўках. Дзе неабходна, заменяць урны для смецця і лаўкі. Абавязкова ў кожным раёне горада высадзяць кветкі. Сёлета клумбы будуць адмысловымі – тэматычнымі. Усё ж такі Мінску – 950!