Да міжнароднай ініцыятывы другі год запар далучаецца і Мінск. У сталіцы для такой акцыі адвядуць адразу 7 пляцовак. Сёлета аўтарам тэксту стаў пісьменнік і гісторык Леанід Юзефовіч. Кожная частка дыктоўкі - гэта невялікае эсэ. Рэгістрацыя на пісьмовую працу пачнецца праз два тыдні. Дарэчы, на міжнароднай навукова-практычнай канферэнцыі па рускай філалогіі ў Маскве нашы школьнікі ўзялі прызавыя месцы. З дыпломамі першай ступені – вучні Сноўскай школы, у выхаванцаў Мінскага абласнога ліцэя – пасведчанне трэцяй ступені. Навукова-практычная канферэнцыя «Мовазнаўства для ўсіх» збірае юных філолагаў з розных краін больш за 20 гадоў. Школьнікі з Мінскай вобласці прадэманстравалі даследчыя працы ў трох секцыях: «Імя ўласнае ў коле захапленняў чалавека», «Лінгвістычная мазаіка», «Асаблівасці мовы розных маладзёжных плыняў і гуртоў».