Знакамітыя казкі братоў Грым у жывапісе. 60 ілюстрацый і калажаў стварылі эстонскія мастакі. Выстава пад назвай "Жылі-былі" прадстаўлена ў мастацкай галерэі "Універсітэт культуры". Дарэчы, эстонскае пасольства ў Беларусі ўжо запланавала шэраг мерапрыемстваў, сярод якіх і ўдзел у кінафестывалі "Лістапад". "Святасць зямлі беларускай" - выстава з такой назвай адкрылася ў мастацкай галерэі "Універсітэт культуры". Экспазіцыя сабрана па выніках ІІ Міжнароднага мастацкага пленара, прысвечанага 500-годдзю беларускага кнігадрукавання. Міжнародны пленар адбыўся ў горадзе Івянец, сёлета ён сабраў 13 мастакоў з Беларусі, Расіі, Украіны і Чэхіі. Кожны майстар падчас пленару напісаў па тры карціны. Яго можна назваць самым пунктуальным чалавекам. У жыхара сталіцы Алега Каляды больш за тры сотні гадзіннікаў. Сваю калекцыю ён збіраў каля дзесяці гадоў. Сярод экспанатаў самыя тонкія механізмы з пазалочанымі дэталямі, алімпійскія цыферблаты з мядзведзем і нават штурманскія, ў якіх лятаў Гагарын. Гадзіннікі таго часу адрозніваліся сваім разнастайным непаўторным дызайнам — варыянтаў было больш за сотню. Ажурныя ўборы па-за часам і модай. Старажытную тэхніку 14 стагоддзя, па якой плялі ірландскія карункі, асвоіла Вольга Старасціна – настаўнік пачатковых класаў з Капыля. Ад каўнерыкаў для блуз да вячэрніх сукенак. У каталогу майстра дзясяткі ажурных мадэлей. Спачатку майстар вяжа так званыя матывы – асобныя элементы – кветкі, лісце, травы і абстрактныя ўзоры. Затым карункавыя пазлы збірае кручком у спецыяльную нерэгулярную сетку. У гэтым і ёсць адрозненне ірландскіх карункаў ад яго замежных сваякоў.