Блогеры і БРСМ - разам весялей. У Гомелі з'явілася незвычайная “Акадэмія Блогoff". Гэта назва конкурсу, які аб'явіў абласны камітэт БРСМ. Удзел у ім прымаюць папулярныя і не вельмі блогеры Гомельшчыны. Вольга Халадовіч назірала, як спаборнічаюць лідары меркаванняў і спрабавала даведацца, ці ёсць унікальны рэцэпт, як стаць зоркай інтэрнэта. Яны гатовыя выйсці на вуліцу ў любую пару года і пры любым надвор'і, каб знайсці нешта такое, што зацікавіць падпісчыкаў. Ганаровае званне "блогер" абавязвае. Тэлефон, фотаапарат, камера - тут усё ідзе ў ход. І нават калі цябе здымаюць для сюжэта - паралельна трэба весці ўласную трансляцыю. І выканаць галоўную задачу - пабіць папярэдні рэкорд. Стаць сапраўднай зоркай інтэрнэта і паказаць сябе ўсяму свету ў Гомелі вырашылі арганізавана. У Беларускім саюзе моладзі блогераў аб'ядналі ў конкурсе "Акадэмія Блогоff". Першы этап прайшоў пад дэвізам "Гомельшчына - рэгіён ідэй". Лепшыя з дасланых відэаролікаў размясцілі ў сацыяльных сетках.