Падчас веснавога добраўпарадкавання Мінск прыбраны ўжо больш як на 60 працэнтаў. За суботнікі вывезена 20 тысяч кубоў смецця, высаджана 5 тысяч дрэў і 14 тысяч кустоў. Акрамя таго, прыведзены ў парадак амаль 230 гектараў паркаў і зялёных зон. У гэтыя выхадныя вялікая ўборка аб'яднала пяць з паловай тысяч жыхароў самага густанаселенага раёна сталіцы - Фрунзенскага. Парадак наводзілі на 27 пляцоўках. Самыя маштабныя работы закранулі сквер на скрыжаванні Берута і Харкаўскай. На суботнік тут выйшлі дэпутаты, кіраўніцтва раёна, прадстаўнікі прадпрыемстваў і школьнікі. Саракагадовыя марскія скульптуры архітэктараў Гельфанда і Кустава, якія ўпрыгожваюць набярэжную сквера, набылі свежы выгляд. Іх рэстаўрацыяй займаліся выхаванцы цэнтраў дадатковай адукацыі.