Памятаеце удалы эксперымент гурта Стары Ольса для праекта Легенды.Лайв – каверы на знакамітыя рок-песні? Дык вось, эксперымент яшчэ не закончыўся. Навізна падачы проста захапіла аматараў рок-музыкі на Захадзе – у ЗША і Велікабрытаніі. Дык вось, гурт вырашыў скарыстацца гэтым і выпцусціць паўнавартасны альбом кавераў. Прычым якраз за сродкі прыхільнікаў сярэднявечных аранжыровак. Але такога поспеху на краўдфандынгу гурт і не чакаў! Зараз музыкі ужо пішуць кружэлку і рыхтуюцца да амерыканскага турнэ. Здымачная група завітала на адну са студыйных сесій гурта.