З самых старажытных часоў на сучаснай беларускай зямлі жылі людзі, якія ведалі шмат чаго таямнічага. Гэтыя веды захоўваліся ў вуснай аснове і перадаваліся ў іншыя пакленньні сям'і з аднаго роду, каб ніхто іншы не змог імі скарыстацца. Замовы - гэта від абрадавага фальклору, які займае своеасаблівае месца ў сістэме фальклорных жанраў. Замовы называюць яшчэ “загаворы”, “нагаворы”, “шэпты”, “шаптанні”, “малітвы”, “словы”, “чары”, “замаўленні”. Многія свае ўласцівасці замовы захавалі з першабытнай эпохі - часу свайго ўзнікнення. Выкарыстанне замоў мела на мэце дакладнае захаванне традыцыі. Калі назіраліся змены ў тэксце замовы, то лічылі гэта прычынай няўдалых вынікаў замаўлення. Невыпадкова і сёння існуе надзвычай моцнае ўяўленне аб тым, што замоўныя формулы перадаваліся ад пакалення да пакалення без змен. Гэта было абумоўлена народнымі вераваннямі ў тое, што замовы толькі тады будуць мець сілу, калі будуць выконвацца без змен і пропускаў. Зараз, гэта амаль страчаная частка жыцця ў беларускай традыцыйнай культуры. Таму, сёння ў Дзень роднай мовы ў жартлівым праклёне з замоў мы нагадваем глядачам нашага канала пра гэты пласт старжытнага фальклору.