У суботу 25 лютага мы запрашаем усіх ахвочых правесці з Веткаўскім музеем цэлы Маслены дзень! Да гэтага свята робіцца Лялька-масленка, якая ўвесь год аберагае тую хату, дзе яна "жыве" і забірае на сябе ўсю дрэнную энергетыку і нядобрыя думкі гаспадароў і гасцей хаты. І на Масленіцу ляльку спальваюць, а замест яе робяць новую. Таксама без песень свята - не свята. Таму прапануем вам самастойна ўзгадаць ці развучыць масленічную песню, якая запісана ў весцы Тонеж Лельчыцкага раёна "Ой, чырочко-пташэчко..." Ой, чырочко-пташэчко, Не залетай далечко, Не занось мого венчыка, Бо мой венчык потрэбчык. Трэба братка жэніці, Й а сестрыцу й оддаваць, А сестрыцу й оддаваць, Да веселлейко спраўляць. Поехаў мілы по дрова, Загорэлас дуброва, Стала міла тушыці – Рэшэтом воду носіці. Сколько ў рэшэце водзіцы, Столько ў мілого праўдзіцы. Праграма: - распачнём з цікавай святочнай экскурсіі па музеі; - там жа, у музейнай прасторы зладзім майстар-клас, на якім кожны зробіць сваю абярэжную ляльку-масленку; - пасля вырушым на ўзбярэжжа ракі, дзе паспяваем масленічныя песні (калі не ўмееце спяваць і не ведаеце песень - не хвалюйцеся: абяцаем абудзіць ваш прыгожы голас спецыяльнай галасавой гімнастыкай, а тэксты песень загадзя для вас падрыхтуем) і пап'ём зёлкавай гарбаты з самавара; - пасля спеваў перамесцімся ў мясцовы дом культуры на саму вечарыну! Тут мы працягнем святкаваць Масленіцу весела і па-сапраўднаму, так як мае быць: будзем танчыць, есці бліны і збіваць смятану ў маслабойцы, каб атрымаць масла, магчыма зробім з гэтага спаборніцтва, каб знайсці самага спрытнага маслабойніка😉 Мы, канешне, не ведаем, дзе вы яшчэ зможаце дазнацца, пабачыць і адчуць сапраўдныя мясцовыя масленічныя традыцыі, як не ў нас🤔Таму шчыра раім вам правесці Маслены дзень разам з Веткаўскім музеем 😊 💫 Запрашаем, нават клічам усіх вас + вашых сяброў + сяброў вашых сяброў! 🥞 Усіх гасцей чакаем не з пустымі рукамі, а з блінамі! Абавязкова прыносьце ўласна зробленыя блінцы і ўсё што любіце да бліноў! Будзем смакаваць і дзяліцца рэцэптамі. 📍 Дата: 25.02 (субота). Пачатак у 11:00. Збіраемся каля разьбяных варот Веткаўскага музея (г. Ветка, Красная плошча, 5) Калі вы хочаце наведаць толькі вечарыну, без экскурсіі, майстар-класа і спеваў на ўзбярэжжы, то прыходзьце ў Веткаўскі цэнтр культуры (г. Ветка, вул. Грамыка, 33). Пачатак вечарыны а 15-й. 💰 Кошт удзелу: 20 BYN для дарослых і 10 BYN для дзяцей школьнага ўзросту - увесь Маслены дзень; 5 BYN і 2,5 BYN для дзяцей - толькі вечарына. 🚌 Дабрацца з Гомеля да Веткі і назад даволі проста: ад гомельскага аўтавакзала кожныя 10 хвілін ходзяць аўтобусы і маршруткі. Расклад можна паглядзець Ад веткаўскага аўтавакзала да музея ісці 10-15 хвілін. Кожны мясцовы вам падкажа дарогу.