Прадстаўляем розныя накірункі народных танцаў, такіх як #Лявоніха, Полька ды іншыя. Гэта простыя танцы, асновай якіх з'яўляецца прытопванне, пастукванне, трохкрокны галоп, які ляжыць у аснове шмат якіх народных танцаў. У некаторых мясьцінах Беларусі Лявоніха выконвалася як сольны, жаночы танец. Выканаўцы па адным выходзілі ў сярэдзіну круга і танчылі, хто як мог. Рухі танцораў былі самымі рознымі - тупат, галоп, прытаптванне. Прапануем самастойна авалодаць выкананнем Лявоніхі сольна ці ў круг, каб ужо праз тыдзень сабрацца ў розных месцах і зрабіць першую сумесную вечарыну - ПАГУЛЯЙКУ. Запісацца ў Школу Традыцыйнага Танца і атрымаць хатняе заданне можна праз гэту форму Google https://forms.gle/vTfNpNpEbyipVkNa7 Калі вы зусім не знаёмы з традыцыйным, народным танцам, пачніце з яго асновы на раз, два, тры. Першы самастойны крок можна асвоіць праз гэты #Урок з відыё "Фальклорная #Школа Беларусі прадстаўляе галоўны элемент у традыцыйным танцы" https://www.youtube.com/watch?v=Ito9pvKILSo&t=116s А Лявон Лявоніху палюбіў, Лявонісе чаравічкі купіў. А Лявоніха дужа ласкавая, Чаравічкамі палясківала… Як я молада ў матулькi жыла, Як вiшэнька у садочку цвiла, Цвiла, цвiла да пацвiтывала, З малайцамi ды пагулiвала. Ой, Лявонiха, Лявонiха мая, Ты такою прыгажуняй была. Як збяромся мы у свята пагуляць, Нам Лявонiхi свёй не пазнаць. Ах Лявонiха, Лявонiха мая, Ты сягоння, нiбы ружа, расцвiла, - Расцвiла буйнымi кветкамi З добрым мужам ды i з дзеткамi. Ой, згубiла мяне мамачка мая, Што за цябе мяне замуж аддала, Ой, чаму-ж цябе пярун не забiў, Як ты мяне маладую палюбiў. Лявонiха, Лявонiха мая! Нехай цябе любiць чорт, ды не я, А дзе-ж тыя кавалёчкi жывуць, Што новыя тапарочкi куюць? Куюць, куюць ды пазванываюць, Нашых дзевачак падманываюць. Куюць, куюць ды пазванываюць, Нашых дзевачак падманываюць. Ай, Лявонiха, Лявонiха мая, Несалёную капусту дала, А Лявона дык i чорт не бярэць: Несалёную капусту жарэць. А Лявоніха не ладна была, Нямытую мне кашульку дала, Нямытую, не качаную, У суседа пазычаную.