Магільшчык. АТЭСТА & Ўладзіслаў Наважылаў (Leslеy Knife). (Сл. Алесь Плотка, муз. Дэйв Мэцьюз). Рэжысер Ўладзіслаў Наважылаў. "Магільшчык" - гэта наша версія аднайменнай песні Дэйва Мэцьюза. Адаптаваны тэкст на беларускай мове зрабіў Алесь Плотка. Можна было перакласьці Дэйва Мэцьюза даслоўна, але жыццяпіс Сайруса Джонса і іншых герояў быў бы малацікавы дый проста незразуметы на нашых прасторах. Героямі беларускай версіі сталі Яўгенія Пфляўмбаўм, Эмілія Плятэр і Ларыса Геніюш. Жанчыны, якія натхняюць сваім жыццём верыць, кахаць... "У яе бралі інтэрв'ю топ-мэнеджэры цемры слізкай" - гэта пра допыты Геніюш, якія праводзіў Цанава асабіста... "Як вярнуцца ў гульню пасля доўгіх шасці дзесяткаў?" - гэта калі табе не дазваляюць друкаваць свае творы і ты чакаеш больш за 60 гадоў, каб твая кніга была выдана... У працэсе працы да нас далучыўся Ўладзіслаў Наважылаў. Мы ня толькі запісалі разам песню, Ўладзіслаў стаў аўтарам, рэжысёрам кліпа і выканаў ролю Магільшчыка. Мы хацелі расказаць гісторыю дзяўчыны, якая праводзячы спірытычны сеанс з жанчынамі мінулага, раптам выяўляе, што сама яна даўно мёртвая. P.s. памятайце і шануйце мінулае, любіце сапраўднае і не губляйце надзеі. Магільшчык (Алесь Плотка) Ларыса Геніюш: гады жыцця 10 – 83, У яе бралі інтэрвію топ-мэнэджэры цемры слізкай. Вена і Львоў у ейным гайдзе, але ў гэтых кропках не зробіш чэк-ін. Адзінаццаты трамвай едзе з Міхле да Ваўкавыска. мой мілы калі капаеш мне дом паберажы рукі каб кроплі дажджу разрывалі мой сон магільшчык Што паспела ты ў свае дваццаць пяць? Што б сказала ты Эміліі Плятэр? Партызанскі тым-лід, што дашлеш ты Богу ў CV? Карабель абірае свой шлях, карабель не глядзіць на фарватэр, Усе лісты да палкоўніка – малаком па крыві. мой мілы калі капаеш мне дом паберажы рукі каб кроплі дажджу разрывалі мой сон магільшчык ружа ружа кветка мы ў букеце дзеткі попел попел з нашых спраў Як уступіць у саюз на дзевятым дзесятку? Яўгенія Пфляўмбаум мае дакладны адказ. «Мела ты ўсяго нароўні», ды пусты рахунак у банку. І застаўся падрадкоўнік, Байран сцерпіць, праўда, Макс? мой мілы калі капаеш мне дом паберажы рукі каб кроплі дажджу разрывалі мой сон магільшчык