У мяне спыталіся пра роўнасць і братэрства. Гэта асноўныя прынцыпы на якіх абапіраецца анархісцкі рух. А наогул ёсць тая роўнасць у свеце, вось напрыклад рускі пісьменнік і філосаў Міхаіл #Веллер кажа, што яе ў прыродзе не існуе, а што кажа Касцёл? Гэта пытанне агромністае і ў сваім відэа нават не бяруся прадставіць камплементарны і вычэрпальны адказ пра анархісцкі рух і даць яму цэласную ацэнку. Але ж толькі акрэслю кірунак думкі, на якім можна знайсці ісціну. І безумоўна, буду абапірацца на Бібліі і афіцыйным вучэнні Касцёла. Анархізм - палітычная філасофія, у аснове якой ляжыць свабода і не прыняцце ніякай іерархіі ўлады, з мэтай пазбегнуць эксплуатацыі адных другімі. Анархісцкія рухі сваю дзейнасць абапіраюць на ідэалах роўнасці і братэрства.  На маю думку, ідэі анархістаў гучаць рэмантычна і прыгожа, але я будучы вельмі практычным чалавекам не бачу магчымасці іх рэалізацыі ў людзкім свеце. А таму лічу іх утапічнымі.  Чым больш чытаў пра анархістаў і слухаў іх розныя выказванні тым больш захапляўся Сацыяльным Навучаннем Касцёла. У ім асабіста сам знаходжу адказы на ўсе пытанні з якімі непазбежна сутыкаецца чалавек жывучы ў грамадстве. На жаль анархізм не дае такіх адказаў.  У сваіх ідэях, я б сказаў, анархізм блізкі хрысціянскаму духу, не здарма ж таксама сярод розных напрамкаў анархізму ў свеце вядомы таксама ёсць і хрысціянскі анархізм.  Разам з тым, анархізм не мае ўніверсальнага рэцэпту на грамадскае жыццё, які мае СВК. Вобразна сказаў бы так, адрозніванне паміж імі такое, як паміж кухарамі якія вараць суп. Той самы суп, але адзін збіраецца яго варыць у рондлі, а другі без яго, бо ў рондлі не аднойчы заўважана суп падгарае!  Такім вось рондлем ёсць інстытут палітычнай улады і іерархіі, якую не прызнаюць анархісты. Хрысціянства ясна кажа: "Няма ўлады, якая б не паходзіла ад Бога"(Рым 13,1). І тут маюцца на ўвазе не правараваўшыяся чыноўнікі, ці які-кольвечы беззаконны рэжым, але ўлада, якой ёсць сам Бог, і які сваёй уладай дзеліцца з чалавекам.   А КСВК абапіраючыся на энцыкліках двух пап разбудоўвае думку Катэхізіса з (ККК 1919): "... ніводная супольнасць не можа існаваць, "калі хтосьці ў ёй не мае вышэйшай улады над іншымі і не накіроўвае кожнага эфектыўна і зладжана да агульнай мэты, таму кіруючая ўлада неабходна для грамадзянскага суіснааання. Гэтая ўлада, як і само грамадства, мае натуральны характар, а значыць паходзіць ад Бога" " (КСВК 393) Анархісты не бачаць цэннасці для грамадства ў палітычнай уладзе і дзяржаве. Яны безумоўна не за безуладдзе, гэта вельмі прымітаўна было б. Як адным з спосабаў магчымага суіснавання людзей, ёсць ідэя дабравольных камунаў з самакіраваннем. І вось тут паўстае немала важнае пытанне, як такія камуны маюць бараніць свае інтарэсы ў свеце людзей сапсаваных грахом? Біблія пра роўнасць і братэрства. Хрыстос сцвярджае наўпрост: "Вы браты ўсе" (Мц 23,8). Таму братэрства гэта хрысціянскі прынцып. ККК 1890 наказвае: "Існуе пэўнае падабенства паміж еднасцю Божых Асобаў і братэрствам, да якога людзі павінны імкнуцца паміж сабою" .  У Касцёле роўнасць прапісана, як закон "...што да годнасці і дзеянняў усе вернікі роўныя" (ККП кан208, ККК 872.) Але ж роўнасць не азначае аднолькавасць. Мы роўныя, але розныя.  Як кажа Хрыстос у прыпавесцях людзі атрымоўваюць розныя таленты (Мц 25, 14-30, Лк 19, 11-27). А Апостал Павел кажа пра розныя дары Духа, якія атрымоўваем. А з рознымі дарамі, то і розныя магчымасці маем. Гэта так, як камусьці ў гэтым свеце быць разумным, а камусьці прыгожым.  Пра немагчымасць роўнасці гаворыць і філосаў М.Веллер, разважаючы на тэму: "Нероўнасць, як аснова сусвету". Адсутнасць роўнасці ў магчымасцях дзейнасці і спосабу прынашэння карысці грамадству не перакрэслівае нашай роўнасці ў людзкой годнасці і правах у грамадстве. Пытанне вельмі важнае, як для розных людзяй у грамадстве асягнуць справядлівы доступ да агульнага дабра згодна з захаваннем прынцыпу роўнасці годнасці і правоў? Усё ж падаецца найбольш адпаведным у вырашэнні гэтага пытання ёсць утвораны інструмент дзяржавы. Хоць вядома ён далёкі ад ідэала, а асабліва гэта бачна тады, калі палітычная ўлада забаваецца, што яна наогул існуе толькі для таго каб забяспечыць грамадству магчымасць сумленнага жыцця (КСВК 394) бо "улада павінна кіравацца маральным законам" (КСВК 396). Калі ж палітычная ўлада гэтага не робіць, зыходзіць да ўзроўня "не да законаў", яна пераўтварае дзяржаву ў апакаліптычнага звера, бо не прызнае ўладу Закону. Мне зусім не зразумела, чаму безуладдзе і беззаконне ў Беларусі сёння ўтварыла палітычная ўлада, а ў вязніцах седзяць беларускія анархісты #Дзядок, католік #Емельянаў ды іншыя? https://youtu.be/kc1iGNLXROw 💢Хітрасць і адказнасць. | #Анархисты, #Беларусь_сегодня | #проповедь #ксёндз 💢 Я хоць не анархіст, але перакананы: не анархісты, сёння з’яўляюцца рэальнай небяспекай для грамадства, але тыя, хто служыць палітычнай уладзе, што выбрала кірунак - знішчэнне грамадзянскай супольнасці і Беларусі наогул.