Касцёл губляе давер? Ці вы любіце свае цэрквы, тыя супольнасці, ў якіх узносіце малітвы да Госпада? Асабіста я люблю той Касцёл, да якога маю гонар прыналежыць. І гэтая любоў змушае мяне гаварыць пра праблемы, якія таксама Касцёл мае. Паразважайма пра аўтарытэт і давер да Царквы. Гэтым летам Chatham House https://t.me/astapenia/392 правёў інтэрнэт-апытанне. Згодна з яго вынікамі, што на днях былі апублікаваныя, можна рабіць выснову, што, напрыклад, за поўгады пасля адстаўкі на пенсію мітрапаліта Кандрусевіча, колькасць давераючых Касцёлу з боку беларускага грамадства зменьшылася на 5 %, але ж на 6 % зменьшылася і колькасць тых, хто не давярае. Вырасла толькі лічба абыякавых да Касцёла, зрэшты, таксама як і да Царквы праваслаўнай. Бо у ліпені 2021 г. акурат 44 % не былі ўстане адказаць, ці яны давераюць Касцёлу, ці не. Тады як 32 % сказалі, што давераюць і 24 % прызналіся, што не давераюць.  Калі задумваўся над тым, чаму ў 2021 г. спаў давер да Касцёла, прыгадалася мне маё ўласнае апытанне, якое праводзіў на фб і інстаграм. Тады, падаецца, прыкладна 80 % сцвярджала, што ўдзел іерархаў у Нацыянальным Беларускім Сабранні, што адбывалася зімой гэтага году, негатыўна паўплывае на аўтарытэт Касцёла. У прынцыпе, можна казаць, што такія дзеянні з боку Касцёла, або бездзейнасць у іншых выпадках і прывяла да паніжэння даверу і росту абыякавасці да апошняга. Безумоўна, 32 % давераючых гэта ўжо добра, бо праваслаўнай Царкве, напрыклад, у той самы час давярае толькі 36 %, а гэта значыць, што прынамсі аж палова вернікаў не даверае сваёй Царкве, тады, як можна меркаваць, што Касцёлу давярае прынамсі 15 % тых членаў грамадства, якія самыя да Касцёла не прыналежаць. Такія высновы канешне не ёсць фактам. Але праўдай ёсць, што Касцёлу давярае ў 2 разы больш людзей, чым маюць да яго прыналежнасць, а Царкве давярае ў 2 разы меньш людзей, чым да яе прыналежы.  Разам з тым, абыякавых да Цэркваў, ці тых, хто да іх не мае даверу, ёсць значная большасць. Гэта прыкладна ⅔ беларускага грамадства. Лічбы з сацыялагічнага даследвання паказваюць, што ў сучасным свеце насамрэч Рыма-каталіцкаму Касцёлу, ды і ўсім цэрквам, непроста выконваць сваю місію.  Давер сведчыць пра аўтарытэт, а адсутнасць даверу - пра адсутнасць аўтарытэту. А як прапаведваць, калі няма аўтарытэту?! (💢Міжнародны суд - слушная ініцыятыва. Гэта па-Божаму.| #трибунал #нюрнбергскаяКонференция #беларусь💢 https://youtu.be/cKOuNh08HiU 💢 Разам з тым, трэба прызнаць, што Цэрквы ў вачах беларусаў выглядаюць аднымі з найбольш верагодных да адорвання даверам, зпасярод розных дзяржаўных і недзяржаўных інстытуцый  і органаў улады. Вось толькі незалежныя СМІ маюць на пару адсоткаў большы ўзровень даверу. У сучасным свеце, маім меркаваннем, наогул усе вядомыя аўтарытэты губляюць агульпрызнанае значэнне і свой уплыў. Такі цяпер час, што людзі больш не маюць агульнапрызнаных універсальных аўтарытэтаў. Няма аўтарытэтных палітыкаў, грамадскіх дзеячоў ці царкоўных лідараў.  Вяртаючыся да Царквы і, ў прыватнасці, да Рымска-Каталіцкага Касцёла, не магу не падкрэсліць, што ўсё ж для мяне, Касцёл не губляе свайго аўтарытэту. І гэта не таму, што мае святых кіраўнікоў, але таму, што аўтарытэт Касцёла абапіраецца на аўтырытэце Божым. У Касцёле ёсць не толькі папа, біскупы і святары, але ёсць па-над усімі і Хрыстос. А як кажа Евангеліст Марк "Сын Чалавечы не на тое прыйшоў, каб Яму служылі, але каб служыць і аддаць жыццё сваё для адкуплення многіх." (Мк 10, 45) І ў Ім выканаліся прароцтвы Ісаі, бо Ісус быў раздаўлены цярпеннем і прынёс жыццё сваё ў ахвяру за нашыя грахі, як прадказваў прарок (пар. Іс 53,10). Вось такому першасвятару я давераю цалкам. А ўсім, хто сумневаецца прагадаю словы аўтара Паслання да Габрэяў: "Маючы першасвятара вялікага, які прайшоў нябёсы, Ісуса, Сына Божага, будзем цвёрда трымацца вызнання нашага." (Гбр 4, 14). Зрэшты, вырашэнні ўсіх нашых праблемаў і грамадска-палітычнага крызісу ў тым ліку, ёсць магчымым у асобе Ісуса. Калі для нас Яго навучанне пачне быць аўтарытэтным і мы застасуем яго ў нашым жыцці, то і праблемы вырашым. Ісус стаў чалавекам і нам наканавана стаць людзьмі на яго ўзор. І чым больш будзе людзей у храмах на ўзор Хрыста, тым большы аўтарытэт будуць мець нашыя цэрквы ў вачах грамадства. Ну, а пакуль бачым, што сёння  мы, хрысціяне, ці то засалодкія, ці то загоркія, але большасцю грамадства не запатрабаваныя, бо мы хіба летнія і даверу да нас няма. @belsat_news