Не сустрэў аніводнага чалавека, які прызнаўся б да таго, што хоча быць дурнем. Канешне, гэта зусім не значыць, што кожны пры ўмоўнай апытанцы, адразу адкажа што хоча быць мудрым. Імаверна, са сціпласці ў агучванні сваіх жаданняў некаторыя прамаўчаць. Разам з тым, каго ж з нас не пераконвае свой уласны досвед у тым, што дурнеў і дурніцаў у свеце нямала. Так як жа стаць мудрым і не раздзяліць лёс дурняў? Біблія, у кнізе Мудрасці Сіраха, кажа: " Усякая прамудрасць ад Госпада… Крыніца прамудрасці - слова Ўсявышняга" (Сір 1,1.5)  Мудрасць у слове. А гэтым словам мудрасці мае быць слова праўды.  І гэта ісціна не зменная. Яна незалежная ад чалавека ды яго хвейных перакананняў. Бог, якога прапаведуе хрысціянства, не ёсць нямым Богам. Слова Божае, як слова Праўды, прагучала ў асобе Хрыста. "Слова стала целам." (Ян 1,14) А як Бог не нямы, то і чалавек не павінен быць нямым. Чалавек павінен гаварыць слова праўды. Слова чалавека, якое гучыць у імя Госпада, не пустое. Яно меняе свет, бо, будучы Божым, як кажа аўтар паслання да Габрэяў, яно "жывое і дзейснае, вастрэйшае за ўсялякі меч двусечны." (Гбр 4,12) Кажу аб гэтым і лаўлю сябе на думцы, аб тым, што як жа шмат хрысціянаў хаваецца сёння за маскай маўчання і за Пілатавым пытаннем "а што такое праўда?"!  Маўляў усё для іх адносна. І яны не ведаюць, як распазнаць праўду ды ці існуе тая праўда наогул? І лічаць, што лепш прамаўчаць. Але ж гэта самападман. Кожны прамаўчаўшы, добра ведае чаму маўчыць. Маўчун не мае смеласці пакінуць усё і пайсці за Хрыстом. Да такога кроку заахвочваў Ісус маладога чалавека, аб чым кажа Евангелле паводле святога Марка 10, 21. Рэакцыя маўчуна да болю проста тлумачыцца. Ён, ці той хто паўтарае за Пілатам "а што такое праўда?", усяго толькі не адважваюцца згубіць з позірку сваіх зямных скарбаў. Яны найзвычайнейшыя рабы свайго ўладкаванага жыцця, з якога і так у свой час вымушаныя будуць сыйсці і ніхто ў іх не спытае на тое згоды. 💢#Ксёндз адказвае апанентам і ботам. Кроў праведнікаў на пакаленне маўчуноў.💢 https://youtu.be/ZLqYndCh840 💢 Гэта сапраўды немудры падыход! Там, дзе ёсць мудрасць, маўчання няма. Хтосьці запярэча і нагадае словы народнай мудрасці "маўчанне - золата". А хтосьці скажа, а як жа дасведчаны Ёў са сваімі словамі: "о калі б толькі вы маўчалі! Гэта было б залічана вам у мудрасць" (Ёў 13,5), ён што памыляўся? Не, Ёў не памыляўся, але да маўчання ён заахвочваў тых, хто раней салгаў і сказаў непраўду. А вось сама мудрасць пазнаецца ў слове (пар Сір 4,28), як заўважае аўтар Кнігі Мудрасці Сіраха. І не можа быць інакш, бо "з вуснаў праведніка крынічыць мудрасць" (прытч 10,31). Так што рабіць, каб атрымаць мудрасць? Аўтар Кнігі Мудрасці кажа: " Я маліўся — і было дадзена мне разуменне; я заклікаў — і сышоў на мяне дух Мудрасці." (Мдр 7, 7). Вынікае, што мудрасць гэта дар Божы і яго можна выпрасіць у малітве. А таму маліцеся і будзе дадзена вам. Як пісаў Апостал Павел з турмы да Эфесцаў "дні ліхія" (Эф 5,16) і трэба станавіцца новымі людзьмі (Эф 4, 20):  "Таму, адкінуўшы хлусню, гаварыце праўду кожны бліжняму свайму" (Эф 4, 25) і "... глядзіце, хадзіце асцярожна, будзьце не як неразумныя, а як мудрыя…" (Эф 5, 15). А таму ніхто хай не робіць сабе ілюзій, праз тое, што ў сённяшнія дні, паўсюдна прысутнай хлусні і беззаконня, калі прамаўчыць, то будзе хітрэйшым за іншых. Не хочаш быць дурнем, ці дурніцай - пачынай казаць слова праўды. Праз тое зменіш жыццё, зменіш свет, а сам станеш мудрым. #реальнаяжизнь 💢15 сутак за песні! Ці пазасталіся прэтэнзіі да Бога?| #беларусь_сегодня #католики #христианскиепесни💢 https://youtu.be/yEnjnkOgKVg 💢 @Real_News_R.B @belsat_news