Серыя "Беларуская народная творчасць"
Восеньскія і талочныя песні. Нумар 328
Зап. Л. Салавей у 1968 годзе ў вёсцы Хатовіж Клімавіцкага раёна ад Фёклы Шашэнька 1908 г.н.
Ярынная
Зязюлечка баравая
А ў бор паляцела.
Не аддаў жа мой татачка,
За каго я хацела,
А аддаў жа мой татачка,
Каго я не знала,
Каго я не знала,
Ў вочы не відала,
Смецця ў хаце па калена,
На стале - рагожа,
На стале - рагожа,
Глядзець непрыгожа.
Запрагай жа, мой татачка,
Сівую кабылу,
Вывезу я смецце з хаты
На тваю на магілу.
Зарасці-ка, магілачка,
Травой-муравою,
Усё травою-муравою,
Дробнымі цвятамі,
Застаюся, мой татачка,
З дробнымі дзяткамі.
Чакайце новыя песні тры разы на тыдзень - панядзелак, серада і пятніца.
Яшчэ больш песен у телеграм канале: https://t.me/spiavaizasynai