З.Я. Мажэйка. Песні беларускага Паазер'я Нумар 130 Зап. у 1973 годзе ў вёсцы Латыгаль Сенненскага раёна ад Вольгі Міхайлаўны Лісецкай 1905 г.н. "Восенская. Падходзіць і як свадзёбная" Бяроза з лістком, Бяроза з лістком Усю восень шаптала: - Ты, лісточак мой, Мой зялёненькі, Ты ж мяне пакідаеш. - Ты бярозачка Мая белая, Я ж цябе не пакіну. Я ўвосень пайду, Вясной прыбуду, Я шумець з табой буду. Дачушка з мамкай, Дачушка з мамкай Усю ночку плакала. - Ты дачушачка Мая мілая, Што ж ты мяне пакідаеш? - Не плач, мамачка, Не плач, родная, Я цябе не пакіну. Я замуж зайду, К табе прыеду, Гаварыць з табой буду. Чакайце новыя песні тры разы на тыдзень - панядзелак, серада і пятніца. Яшчэ больш песен у телеграм канале: https://t.me/spiavaizasynai