☀️А ў Слуцку на рыначку Серыя “Беларуская народная творчасць” Балады. Том ІІ Нумар 749. Зап. Р.Р. Шырма ў 1928 годзе ў вёсцы Гаішча Радашковіцкай воласці Маладзечанскага павета ад Юлі Доўнар “Казацкія” ========== А у Слуцку на рыначку, А у Слуцку на рыначку П’юць казакі гарэлачку. Яны пілі, не плацілі, Яны пілі, не плацілі, Младу дзеўку прыманілі: - Ой ты, дзеўка маладая, Едзем з намі, казакамі, З маладымі малайцамі. У нас поле залатое, А рэчачкі медавыя, А масточкі жалезныя! Дзіця маткі не слухала, Дзіця маткі не слухала З казакамі паехала. Едуць поле і другое, Едуць поле і другое, На трэцяе ўз’язджаюць. Стала дзеўка сільна плакаць, Стала дзеўка сільна плакаць Ды ў казака праўды пытаць: - А дзе ж поле залатое, А рэчачкі медавыя, А масточкі жалезныя? - Ты, дзяўчына, ты дурная, Ты, дзяўчына, ты дурная, Чаму ж таго не сазнала, Што ў нас поле камянное, А рэчачкі крывяныя, А масточкі трупяныя! #цэнтральнаябеларусь #ўлюбычас #падманутаядзяўчына