☀️Выправіла маці сына ў салдаты Беларуская народная творчасць Балады. Том І Нумар 363. Зап. Л.М. Салавей у 1973 годзе ў вёсцы Хамічы Быхаўскага раёна Магілёўскай вобласці ад Кацярыны Купцовай, 1907 г.н. "Даўняя песня" #падняпроўе #ўлюбычас #атрута Выправіла маці сына ў салдаты, А ждала гадок, а ждала другі. На трэці гадок едзе мой сынок, На трэці гадок едзе мой сынок. Сына сустракала салодкім віном, А нявехначку - горкай атрутай. Сын віна не піў, пад каня выліў, Горку атруту папалам выпіў. Сына схавалі возле цэркаўкі, А й нявехначку - аж за цэркаўкай. На сыну вырас жа зялёны явар, На нявехначцы - бела бярозка. Йны раслі-раслі, пахіліліся, Цераз цэркаўку сашчапіліся. Маці гавора: "Мой жа сыночак, Мой жа сыночак, мой жа родненькі, А няўжо ж вы так крэпка любіліся, Што цераз цэркаўку сашчапіліся?"