☀️Заказалі, заказалі ўсім дзевачкам Серыя “Беларуская народная творчасць” Балады. Том ІІ. Нумар 666. Зап. М. Федэроўскі ў вёсцы Сваротва Навагрудскага павета “Паданневыя” #панямонне #ўлюбычас ========== Заказалі, заказалі ўсім дзевачкам, Штоб дзяўке сыны мелі. Адна дзеўка, адна дзеўка дачку мела, Дачку мела Ганулечку. Яна яе, яна яе навучала: - Не йдзі, доня, напярод войска, Да йдзі, доня, да йдзі, доня, напаслед войска. Ганулечка не слухала - Ўпярод войска, ўпярод войска мандравала, Сто казакаў зваявала. На паследнім, на паследнім сама ўпала, Ой да маткі ліст пісала: - Матка мая, матка мая радненькая, Хавай мяне пры дарозе, Абтыч мяне, абтыч мяне ялінаю, Зялёнаю калінаю. Будуць пташкі, будуць пташкі прылятаці, Каліначку абіраці. Каліначку, каліначку абіраці, Гануленьку спамінаці.