Зап. у 2023 г. Т. Валодзіна ад Алены Макараўны Смаляр у в. Бярозаўка Мазырскага р-на Расшыфроўка: Казалі што грэх біць бусла. Каліся Бог насабіраў этай жыўнасці, што поўзае, лазіць усё на свеці. І ў торбачку звязаў ці ў клуначку і аддаў свайму рабу ці парабку, што нясі там і ўтапі. Толькі не развязывай! Патаму што распаўзецца і ты будзеш яго сабіраць. А той… усераўно ж яму цікаўна было знаць, што гэта. Ён развязаў. Яно распаўзлосо. Во і цяпер ты ўсю жызь будзеш яго сабіраць. На таго чалавека і зрабіў яго буслом. Мы ўсю жызь зналі, што яго не нада, з такога як хадзілі ў лес ці куды, зналі, што эта з чалавека. І глаўна, як мы былі малымі, каб не сварыліса, як пасцілі, дык і біліся дажа. Усяго было. Дык казалі: пагукай! Як пагукаеш, як пасецца ён, назву яго скажы: Іван, Дзямян! Павел! І ён абязацельно падыме голаву. Дык нам так інцерэсна было. Абзавецца на сваё імя.