Дыктар студыі Gavarun.by Адам Трыпутнік У агучванні мультфільмаў ёсць цікавыя асаблівасці: часцяком ацэнкі і рэакцыі персанажаў адмыслова перабольшаныя і нават гіпербалізаваныя, шмат герояў з “мульцяшнымі” галасамі і ўвогуле шмат яскравых характарных вобразаў. Гэтыя адметнасці трэба падаць, каб глядач верыў эмоцыям і пазнаваў герояў, а таксама пазбегнуць ненатуральнасці і крыўляння. Паказальны ў гэтым плане мультсерыял «Папірус». Тут у прынцыпе вельмі якасны саўндтрэк і процьма каларытных персаў! Мы стараемся годна іх увасобіць па-беларуску. Хтосьці атрымліваецца амаль адразу, а бывае, б’ешся дзень і адчуваеш, што ніяк не трапляеш у вобраз. Ці пішаш, пішаш героя і напрыканцы разумееш, што вось так ён мусіць гучаць, тады асцярожна захоўваеш гэту падачу і хуценька перапісваеш усе рэплікі нанова)) У гэтым роліку паказаны запіс некаторых герояў з “Папіруса”, зацаніце! Дужа раім глядзець сам серыял "Папірус"! Спасылка на плэйліст тут: https://www.youtube.com/playlist?list=PL-aJ7Zy0vQmjSSeyf0cbVJw6B6Zv00pII