Дасылайце свае пытанні ў тэлеграм-канал: https://t.me/usovpavel У аўторак увечары ў пасёлку Пшаводаў на ўсходзе Польшчы каля мяжы з Украінай упала ракета, у выніку чаго загінулі два чалавекі. Уначы ўлады Польшчы заявілі, што ракета была расейскай вытворчасці. Аднак агенцтва Асашыэйтэд Прэс са спасылкай на амерыканскіх чыноўнікаў піша, што ракета, як мяркуецца, была выпушчаная ўкраінскімі вайскоўцамі, каб збіць расейскую. Пра тое, што ракета, якая ўпала, наўрад ці была выпушчаная з Расіі, заявіў і прэзідэнт ЗША Джо Байдэн. Украінскае кіраўніцтва з такімі здагадкамі не згоднае. Прэзідэнт Украіны Уладзімір Зяленскі перакананы, што ракета, якая ўпала ў польскім Пшаводуве, была не ўкраінскай.