Гукаем вясну разам з гуртом «Воплі Відоплясова»! Упершыню гасцямі аўтарскай праграмы Сяргея Будкіна стануць замежныя музыкі – пачынальнікі ўкраінскага рок-руху, гурт «Воплі Відоплясова». Зрэшты, яны ўтульна пачуваюцца на беларускай зямлі. Амаль як дома. У размове з Міраю Шульц Алег Скрыпка распавядзе, як яму ўдалося вылічыць, што ён на 25 % беларус, каго найбольш шануе з беларускіх выканаўцаў, і паразважае пра карысць дзяржаўнага рэгулявання ў музыцы. У жывым сэце «ВВ» чакаем тэлепрэм’еру: славуты гіт «Танці» прагучыць па-беларуску! У праграме прагучаць песні: «Краіна Мрой» (словы і музыка Алега Скрыпкі, пераклад Андрэя Хадановіча) 4.45 «Чіо Чіо Сан» (словы і музыка Алега Скрыпкі) 3.42 «Танцы» (словы і музыка Алега Скрыпкі, пераклад Алеся Плоткі) 2.34 «Весна» (словы і музыка Алега Скрыпкі) 4.35