Duся пра нарказалежнасць, дуэт з Найкам Барзовым і кастынг у Цімы Беларускіх У студыі Belsat Music Live – адзін з самых перспектыўных беларускіх праектаў duся. Спявачка з Менску Еўдакія Шукшына ў музыцы крыху больш за год, але ўжо рыхтуе трэці альбом, мае некалькі кліпаў, сумесны сінгл з Найкам Барзовым ды яшчэ і сайд-праект. У размове з Міраю Шульц яна распавяла пра кастынг у прадзюсараў Цімы Беларускіх, прызналася, што мела праблемы з наркотыкамі, ды патлумачыла, навошта назвала альбом у гонар песні Міхаіла Круга. У жывым сэце спявачка зайграла свае найлепшыя песні разам з гасцямі, сярод якіх пераможцы «Басовішча-2017», гурт «Teleport». Песні, якія гучаць у праграме: «Минский стиль» (музыка Аляксандра Галецкага, словы Еўдакіі Шукшыной) «Каханне» (музыка Еўдакіі Шукшыной, словы Аляксея Любчэнкі) «Метро» (музыка Еўдакіі Шукшыной і Аляксандра Галецкага, словы Еўдакіі Шукшыной) «Клад» (музыка Змітра Кацяшова, словы Еўдакіі Шукшыной) «Терпитер» (музыка і словы Еўдакіі Шукшыной) «Свабода» (музыка гурта «Teleport», словы Еўдакіі Шукшыной і Яўгена Цярэнцьева)