«Belsat Music Live Extra»: «Народны альбом» і містычныя супадзенні У адмысловым пашыраным выданні «Belsat Music Live» размова пойдзе пра таямніцы «Народнага альбому». Удзельнікі супольнага музычнага праекту перад прэм’ераю 20 гадоў таму пастанавілі выдаць свае песні за народныя. Выдуманае наклалася на рэальнае і зблыталася між сабою. Сяргей Будкін пагутарыць з аўтарам праекту Міхалам Анемпадыставым пра містычныя супадзенні ды паспрабуе аддзяліць праўду ад выдумкі, а Міра Шульц паразмаўляе ў зале «Prime Hall» з прыхільнікамі «Народнага альбому». Дазнаемся таксама, якая самая ўпадабаная песня з праекту ў Лявона Вольскага, Піта Паўлава, Касі Камоцкай і Змітра Вайцюшкевіча. І яшчэ не факт, што гэта «Простыя словы»! У праграме прагучаць песні: 1:56 «Эх, змагаліся…» 3:04 «Настаўнік Рагойша» 3:53 «Два польскіх шпіёны» 1:50 «Казік» 2:35 «Аргентынскае танга» 3:17 «Я, да жалю, ня пан» 3:35 «Простыя словы» (музыка Лявона Вольскага, словы Міхала Анемпадыстава)