Адарвірог - Адмаразуля (Сінгл, 2020) https://distrokid.com/hyperfollow/adarvirog/admarazula Пачвары ў лесе танчылі, вадзілі карагод Каляды сустракалі, ды хутка новы год Ракой лілася брага, дуда вяла ў пляс А што далей адбылася - пра гэта будзе сказ Надумалі пачварыны наведацца ў вёску Каб там гуляць-калядаваць ды адцягнуцца жорстка Ляшак крычыць, узняўшысь з ложа, разміная косці "Чаго сядзім, бо, на пячы? Хадземце барагозіць!" Ішлі яны па лесе да вёскі доўгі шлях Часова ледзь трымаючысь ад брагі на нагах Гуляць яны збіраліся да ранняе пары Але раптоўна іх сустрэлі ў вёсцы жыхары - Здаецца, братка, хопіць. Мы дапіліся - Так... Ляшак ідзе па вёсцы, з ім чорт-свіны пятак Сцягнулі з хаты ўсё пітво лазнік ды дамавік Што нам рабіці, братка? Далучымся да іх Вёска павыходзіла на вуліцы хутчэй Каб піць ды свята святкаваць, ды танчыць між чарцей Чырвоны ад марозу, ды ад папойкі нос Вёску калыхае нястрымны барагоз Згарэў сарай - гары і хата Брагі ёсць яшчэ багата Хапае дзеўка Лешака, ды цягне ў закуток Другая чорту на пячы пачухівае бок Танцуюць хлопцы з дзеўкамі з валадарамі дрэў Але жа хутка раніца, мы хутка скончым спеў Чакае вёска ўжо хутчэй наступныя каляды Каб піць ды танчыць між чарцей У чараўніцтва свята VK: https://vk.com/adarvirogband Facebook: https://facebook.com/adarvirogband Instagram: https://instagram.com/adarvirogband