http://tstyl.fm/by/1/look/4607 Ігар Бараноўскі напэўна ведае, якім чынам выхаваць у чалавека любоў да сваёй малой радзімы -- Берасцейшчыны - і ўвогуле да Беларусі. Прага да ведання сваіх каранёў паўплывала на станаўленне гэтага чалавека як асобы і на яго жыццёвы выбар ў далейшым. Будучы гісторыкам і краязнаўцам, гэты чалавек актыўна выступае за захаванне гісторыка- культурнай спадчыны Берасця. У свой час ён быў адным з заснавальнікаў зачыненага ўладамі ў 2007 годзе грамадскага аб'яднання "Стары Горад", якое займалася аднаўленнем сярэдневечнай гісторыі Берасця.