Пры сустрэчы з берасцейскім пісьменнікам і перакладчыкам Аляксеем Філатавым не адразу даеш веры, што яму 70: энергічны, жвавы, бадзёры, з выдатным пачуццём гумару. Дзяцінства пісьменніка, апаленае вайною, пакінула адбітак на яго творчасці. Шматлікія яго творы прысвечаныя тэме вайны, таму пісьменніка часам называюць "берасцейскім Быкавым". Аляксей Філатаў - сябар Саюза беларускіх пісьменнікаў, лаўрэат прэміі імя Ул. Калесніка і звання "Берасцейская зорка". Аўтар кніг прозы "Дарога", "Жывая зямля", "Адарваць ад сэрца", "Асколкі болю", "Страла жыцця", "Ляхавецкая торба", "Чый бэз?" і інш.