Уладзімір Глаз (Гродзенская вобласць) Трапіўшы на падворак да Уладзіміра Глаза, здзіўляешся, як адзін з самых старэйшых жыхароў Шчучына, жывучы ўжо шмат гадоў без жонкі, даглядае сваю гаспадарку. На падворку - шмат парасткаў грэцкіх арэхаў, якія Уладзімір Глаз раздае дзіцячым садкам і школам свайго горада. Аднак на гэтым гаспадар не спыняецца. Некалькі гадоў назад ён заўважыў, што развальваецца адзін з самых старэйшых і прыгожых помнікаў Шчучына -палац Друцкіх-Любецкіх. Будучы неабыякавым да гісторыі свайго горада, стаў на абарону палаца. "У мяне душа баліць, калі бачу штосьці ў занядбаным стане", - кажа спадар Уладзімір.