26 верасня на бакавым полі Гарадскога стадыёна ў Беластоку адбыўся дабрачынны матчы Беларускага Дома з камандай Allstars Jageellonia (ветэраны баластоцкага футбола). Гульня была прысвечаная беларускім палітвязням (па стане на 26 верасня ў Беларусі прызнаныя палітычнымі зняволенымі 685 чалавек). Выніковы лік сустрэчы 2:2. За матчам каманд сачылі каля 200 чалавек. Беларуская дружына мела цэлы сектар сваёй падтрымкі. Падчас матчу заўзятары зрабілі перформанс і падтрымалі беларускага журналіста Аляксандра Івуліна.