Галіна Скрыган – музыказнаўца. А яшчэ – дачка пісьменніка Яна Скрыгана. З Галінай Іванаўнай мы праехалі па маршруце Труханавічы – Камень – Менск, каб паказаць вам сядзібу сям’і Скрыганоў, музей пісьменніка і вялікую працу, якую робіць Галіна Іванаўна. Каторы год яна працуе над фотаальбомам, які стане сапраўдным летапісам ХХ стагоддзя – ад часоў “Маладняка” ў 1920-я да новай Беларусі напачатку 1990-х гадоў.