Асіповічы – гэта, найперш, горад-чыгунка. А яшчэ – горад-вайсковы гарнізон. Тут вакзальны медпункт стаў астраўком праваслаўя. Тут спрабавалі пазбавіцца ад Жукава і Леніна. Тут стаіць царква з абразамі XVII стагоддзя. Тут танцы заканчваліся такімі бойкамі, што міліцыя хавалася ў бульбу. Асаблівасці асіповіцкага хараткару і мясцовыя цікавосткі – у новым падарожжы “Ногі ў рукі”, дзе галоўны герой – Антон Астаповіч, гісторык, старшыня Беларускага таварыства аховы помнікаў.