Алесь Адамовіч адным з першых узняў тэму Чарнобыльскай катастрофы, яе рэальных маштабаў. Ён дабіваўся галоснасці, хацеў уратаваць людзей. За гэта Адамовіча цкавалі ў друку, называлі панікёрам і блазнам. Адамовіча літаральна “выціснулі” з Беларусі. Апошнія гады ён правёў у Маскве. Яго проза (“Карнікі”, “Хатынская аповесць”) стала асновай для фільма “Ідзі і глядзі” Элема Клімава (1985). Замежнікаў карціна ўражвала настолькі, што каля кінатэатраў дзяжурыла “хуткая дапамога”. Алесь Адамовіч – пачынальнік “магнітафоннай літаратуры”, заснаванай на ўспамінах відавочцаў. Тэкст чытае Марына Савіцкая. У выпуску выкарыстанае архіўнае відэа з пахавання Алеся Адамовіча.