Галоўны рэдактар “Рэгіянальнай газеты” Аляксандр Манцэвіч даў свае адказы на “Тры пытанні” -- пра беларусаў, пра краіну і месца беларускай мовы ў ёй. "Мы, беларускамоўныя, знаходзімся ў меншасці. Але не трэба быць агрэсіўным. Калі кожны будзе рабіць сваю справу, якую мусіць рабіць па сваім статусе, становішчы ў грамадстве – настаўнік, журналіст, гандляр, – калі ён спакойна будзе рабіць сваю справу, размаўляючы па-беларуску, беларусізацыя адбудзецца. Калі ж мы зоймем агрэсіўную пазіцыю, могуць адбыцца… Ну, я б такога не хацеў."