Біёграфы мастака Хаіма Суціна стварылі міф пра беднага геніяльнага хлопца з вёскі, пра “вар’ята са Смілавічаў”. Але праўда больш празаічная. Напрыклад, бацька Хаіма Суціна не быў жабраком-цыравальшчыкам. Ён быў паважаным краўцом жаночага адзення і жыў у цэнтры мястэчка. Гісторыя пра адзіноту Хаіма і разрыў з сям'ёй таксама прыдуманая. Насамрэч бацькі не пагарджалі сынам-мастаком: яны ганарыліся, што Хаім стаў студэнтам Віленскай мастацкай школы, вешалі ягоныя вучнёўскія работы дома. Калі Хаім эміграваў у Парыж, актыўна з ім ліставаліся. Хаім дапамагаў сям'і грашыма. Нават хацеў пераправіць з Парыжа карову. Вар’ятам Суцін таксама не быў, не вышукваў свае работы, каб іх знішчыць: мастак пазбаўляўся толькі ад недасканалых карцін, бо быў патрабавальны да сябе. Глядзіце гісторыю цалкам у серыі "Знакамітыя беларусы". Тэкст чытае Ігар Палынскі. Тэкставая версія на сайце: http://haroshak.by/85sutin/