Алена Аладава працавала над стварэннем мастацкага музея з 1937 года. Калекцыя налічвала 2711 работ, калі пачалася вайна. Супрацоўнікі спрабавалі ўратаваць самае каштоўнае: палотны вынялі з рам і паклалі ў скрыні, а слуцкія паясы схавалі… у дровах. Але транспарт так і не прыйшоў. Ідэяй фікс стала не проста аднаўленне страчанай калекцыі, але стварэнне музея высокага класа. Па замове Аладавай склалі спіс беларускіх мастакоў з ХІІ па ХХ стагоддзе – на 600 імёнаў! Па ім і йшла закупка. Трыццаць тры гады Алена Аладава ўзначальвала мастацкі музей Беларусі. Раз’язджала па ўсім Савецкім саюзе з чамаданам грошай, вяла перамовы з калекцыянерамі. Дзякуючы ёй Бялыніцкі-Біруля – менавіта беларускі жывапісец. І дзякуючы ёй мы бачым работы Хруцкага, Жукоўскага, Рэпіна, Айвазоўскага… Тэкст чытае Наста Карнацкая. Глядзіце больш на сайце: http://haroshak.by/ Сачыце за праектам у сацсетках: https://vk.com/haroshakby https://www.facebook.com/haroshak.by/ https://www.instagram.com/haroshak.by канал Тэлеграм: t.me/haroshak