ККГ - калекцыйная картачная гульня, сутнасць якой - спаборніцтвы паміж гульцамі, якія самастойна ствараюць сваю гульнявую таллю з розных картак. Першай гульнёй такога кшталту была створаная ў 1993 годзе Magic: The Gathering (якую я дужа часта згадвала падчас стрыма), а з цягам часу такая сістэма пачала з'яўляцца ў іншых сусветах (напрыклад, Hearthstone у сусвеце Warcraft) і ў межах іншых гульняў (напрыклад, Гвінт у сусвеце Ведзьмара). Не абмінуў такі лёс і Genshin Impact, у якой з новым абнаўленнем увялі калекцыйную картачную гульню "Кліканне Сямі Мудрых".