Музыка Тацяны Грыневіч-Матафонавай. Словы Сержука Сокалава-Воюша. Тэкст: Сьцюдзёны сьцюжны ранак Бялюткі сьвет сама Выбельвае старанна Свавольніца зіма Бяз жартаў і бяз кпінаў Трымаючы фасон Стварае сьвет прасьцінаў Прарочыць добры сон. Замалявала ты шыбы шмат разоў, Завіравала ты пеклам маразоў, Зачаравала загадкай абразоў, Зацалавала і зьнік таму назоў... А вусны падарожных Зьбялелі аж да сьлёз І шэрань здацца можа Прыкметай на мароз Але усё іначай Ні каліва маны Ў імпэтаў тых юначых Між зімняй сівізны. Замалявала ты шыбы шмат разоў, Завіравала ты пеклам маразоў, Зачаравала загадкай абразоў, Зацалавала і зьнік таму назоў...