Спявае Зося Вазякова, Раман Матафонаў, Тацяна Матафонава. Аранжыроўка Адася Матафонава. З "Дзіцячага альбома ч.3". Відэа з мультфільмаў "Про деда, бабу и курочку рябу" і "Пропал Петя-петушок" Захацела бабуленька Ды разбагацеці, Пасадзіла куратачку, Каб вывела дзеці, Ціп, ціп, ціпу, ціп, Ціпу, ціпу, ціп, ціп! Як пайшло той бабуленьцы На бяду, на гора, Як вывела куратачка Ўсяго толькі двое. Ціп, ціп… Як пагнала бабуленька Куратачак пасці, Сама села на пянёк Кудзелінку прасці. Ціп, ціп… Ой, хмарыцца, туманіцца, Стаў дождж накрапаці, Стала наша бабуленька Курчат заганяці: Ціп, ціп… Ой, на адно спаткнулася, На другое ўпала, Сюды-туды павярнулась Дый ўсіх патаптала. Ціп, ціп… Як прыехаў дзед із лесу, Стаў бабу пытаці: – Чаму ж тваіх, бабуленька, Курчат не відаці? Ціп, ціп… – Не відаць іх дзядуленька, І відаць не будзе, Як выгнала на вуліцу, Паўрочылі людзі. Ціп, ціп…