(c) М. Новікаў, catholic.by Ва ўрачыстасць Нараджэння св. Яна Хрысціцеля, 24 чэрвеня 2012 г., парафія Святога Міхала Арханёла ў Багданаве перажывала патройнае свята — рэкансэкрацыю касцёла, кансэкрацыю алтара і сакрамэнт канфірмацыі. Менавіта з гэтай нагоды ў парафію прыбыў Мітрапаліт Тадэвуш Кандрусевіч. Дзякуючы намаганням кс. Ігара Лашука SDB, які з верасня 2011 года з'яўляецца тут пробашчам, да рэкансэкрацыі касцёла быў зроблены новы алтар — паўтарэнне таго, які быў знішчаны немцамі ў 1944 годзе.