У кожнага з іх дарога ў манаскую супольнасць была свая. І толькі яны ведаюць, чым давялося ахвяраваць на гэтай дарозе, поўнай калдобін і ўзгоркаў — праз гравійку і купіны, — каб не страціць той невытлумачальны голас унутры сябе, які іх вёў, — голас паклікання. Дарога да манаства — гэтай тэме прысвечаны відэапраект Catholic.by да Года кансэкраванага жыцця, які трывае ў Каталіцкім Касцёле. У відэаматэрыяле прапануецца пазнаёміцца з некаторымі манаскімі супольнасцямі і адкрыць гісторыі паклікання братоў і сясцёр, якія служаць на беларускай зямлі.