https://catholic.by/3/news/belarus/9210-psycho Кожны можа стаць падобным да Трох каралёў. Па іх прыкладзе 6 студзеня ад касцёла ў Мар’інай Горцы ў напрамку Пухавіцкага псіханеўралагічнага дома-інтэрната вырушыла аўтакалона з юнымі акцёрамі, рэквізітам і падарункамі. Дзеці і іх бацькі на чале з пробашчам мар’інагорскай парафіі кс. Генрыхам Кучынскім паехалі шукаць маленькага Езуса ў іншых людзях: хворых, часам зусім бездапаможных, некаторыя з якіх засталіся на ўзроўні немаўлятаў. Паехалі да іх, каб у іх асобах пакланіцца Хрысту і прынесці Яму свае дары.