Хто не любіць атрымліваць лісты? На гэты Вялікі Пост Бог напісаў Табе вельмі асабістае пасланне. І не адно, а цэлых сем! POST MAN - адмысловыя францішканскія відэарэкалекцыі на аснове сямі лістоў Бога да Касцёла, схаваных у Апакаліпсісе св. Яна. рэалізацыя: а. Яўген OFMConv, а. Сяргей OFMConv музыка: Silent Partner - "Runaways", "Grass". ЛІСТ ДА ЭФЕЗУ: Анёлу Касцёла ў Эфезе напішы: Так кажа той, хто трымае сем зорак у сваёй правіцы, хто ходзіць сярод сямі залатых свечнікаў. Ведаю справы твае, і працу тваю, і цярплівасць тваю, і тое, што ты не можаш зносіць злых, і выпрабаваў тых, хто называе сябе апосталамі, але імі не з’яўляюцца, і выкрыў, што яны ашуканцы. Ты маеш цярплівасць і пакутваў дзеля імя Майго, і не знямогся. Але маю супраць цябе тое, што тыпакінуў першую любоў. Таму згадай, адкуль ты ўпаў, і пакайся, і рабі так, як ты рабіў спачатку. Калі не, то Я прыйду да цябе і зрушу свечнік твой з яго месца, калі ты не пакаешся. Але добра тое, што ты ненавідзіш учынкі нікалаітаў, якія і Я ненавіджу. Хто мае вушы, няхай пачуе, што Дух кажа Касцёлам. Пераможцу дам есці з дрэва жыцця, што ў раі Бога. (Ап 2, 1-7)