Праз пандэмію, якая пануе зараз у свеце, мы не заўсёды можам быць разам фізычна. Адсюль нашыя жаданні злучацца на малітве праз анлайн-трансляцыю святой Імшы. Сёння распачынаем набажэнства на ўшанаванне Найсвяцейшага Сэрца Езуса, праз якое хочем злучыць нашыя сем'і, якія ў розных кутках Беларусі разам з намі моляцца. У гэтым набажэнстве хочам выявіць нашую ўдзячнасць за любоў, якую Бог мае да кожнага з нас. Таксама перапрашаем Найсвяцейшае Сэрца Езуса за ўсе знявагі, грахі, тыя моманты, калі мы Яго любоў адкідалі.