Расейскія прапагандысты апублікавалі запіс размовы нямецкіх вайскоўцаў, дзе абмяркоўваецца ўдар па Крымскім мосце. Прапагандыстка Сімоньян, якая апублікавала размову, заявіла, што ёй перадалі запіс размовы афіцэраў бундэсвера, якія абмяркоўваюць удары па Крымскім мосце і пастаўку ракет Taurus ва Украіну. Расійскае МЗС запатрабавала ад Германіі тлумачэнняў. Шольц назваў інцыдэнт сур'ёзнай уцечкай, Мінабароны ФРГ ініцыявала праверку па факце магчымага перахопу паведамленняў вайскоўцаў. Па дадзеных Bild, запіс маглі зрабіць 19 лютага - тады адзін з нямецкіх вайскоўцаў знаходзіўся ў гатэлі ў Сінгапуры, дзе яго маглі праслухоўваць.