Улады Беларусі актыўна ўдзельнічаюць у вывазе ўкраінскіх дзяцей з акупаваных Расеяй тэрыторыяў. Разам з журналістамі з украінскага расьсьледніцкага праекта «Схемы», нам удалося зьвязацца з тымі самымі дзецьмі, якіх прывозілі ў Беларусь, а пасьля вярнулі назад у акупаваныя Марыупаль і Лісічанск. Беларусь стала адным з цэнтраў так званага «перавыхаваньня» ўкраінцаў у ляяльных акупацыйнай расейскай уладзе грамадзянаў. Лукашэнка і ягоныя чыноўнікі спрабуюць «адбяліць» ваенныя злачынствы і даюць дзецям цукеркі ў надзеі зьмяніць іхны погляд на сьвет.