Восень у Беларусі - час фэстаў. Не паспелі адгучаць развітальныя акорды аднаго фэставага шэсця, як на ўсю краіну заяўляе пра сябе Адкрыццё новага свята мастацтваў. Новага ў сэнсе чарговага, але ўжо даўно любімага ўсімі прыхільнікамі тэатра. Учора свае дзверы АДчыніў V-ый Міжнародны фестываль тэатральнага мастацтва "Панарама". Пачалося ўсё як і належыць з урачыстых слоў, прывітанняў і пажаданняў. Міністр культуры Рэспублікі Беларусь Павел Латушка і мастацкі кіраўнік фэсту Мікалай Пінігін блаславілі ўдзельнікаў, што прыехалі да нас з Літвы, Венгрыі, Польшчы і Расіі.